اجمل قصائد حامد زيد ، ولد الشاعر الكويتي الأصل في في محافظة الأحمدي (فحيحيل) في الكويت، وكان ذلك بتاريخ الرابع من شهر فبراير من عام 1977، وقد عاش حياته في الكويت، والتحق بالجامعة ودرس في كلية الدراسات التجارية، وحصل على شهادة الدبلوم في الإدارة.

محتويات المقال

اجمل قصائد حامد زيد

نعرض لكم من على منصتنا اقرأ أبيات اجمل قصائد حامد زيد و التي يمكن اعتمادها كمنشوارات لكم على صفحاتكم على مواقع التواصل الإجتماعية كتويتر ، تابعوا معنا :

اجمل قصائد حامد زيد
اجمل قصائد حامد زيد

واعيني اللي كل ماذعذع من الغربي هبوب
يحلا لها لون الغروب اللي يذوب قبالها
ويا ويل حالي كل ما يحلا لها لون الغروب
تطري لي الريم اللعوب وسالفة ترحالها
وياجرّ قلبي كل ما تطري الريم اللعوب
حرّمت أمد ايدي على حاجة وأنا ما اقوى لها
من سافرت ريم الغلا صدّيت عن كل الدروب
ماهو قصور بالعذارى بس ذيك لحالها
من فارقتني ما خطف قلبي من الحور محبوب
ولا لقيت الجادل اللي تستحق أحيا لها
لان القلوب إن ما وفت لأحبابها ماهي قلوب
والعشرة اللي ماترد الروح ما نسعى لها
أما الوفاء اللي يستر الرجّال من كل العيوب
والا الجفاء اللي يستر عيوب العرب ف رجالها
ما أقسى من فراق أهل الجنوب
ويلي على اللي كل ما تزعل تشد رحالها
اللي مذيّرها العتب لا شبّت بصدري شبوب
عيّيت أراضيها وهي عيّت تطول بالها
كانت معي مثل النصيب يحدّني من كل صوب
كانت دروبي من متاهات الضلل لظلالها
كانت هروبي لا شعرت إني بحاجة للهروب
كانت سماي اللي ليا ضاقت عليّ ألجا لها
ليه اتحداني وأنا في كل الأحوال مغلوب؟
ليه حرمتني من قهر عذالي وعذالها
ليه اتجاهلني وأنا ماني جبان ولا كذوب
ليه ارخصت دمعي وأنا ما بكيت إلا لها
ما ترحم اللي له سنه كنّه على النار محطوب
ما هزها دمع الفقيد اللي بكته أطلالها
ما خافت تهدْم السنين اللي بنتنا طوب طوب
ما فكرت تشفق على حالي وترحم حالها
قولوا لها لو ما تذوب أنا بخليها تذوب
قولوا لها لو ما عنت لي مستعد اعنا لها
اليا ادمحت لي هالخطا بدمح لها كل الذنوب
وإن جابت الحسنة معي تبشر بعشر أمثالها
افرش لها صدري وطن واجمع من ضلوعي شعوب
وارقى لها مكانة محد قدر يرقى لها
إن كانّي مخطي فأنا ماني خليّ من العيوب
الذنب يغفر والبشر تجزا بقدر أعمالها
البعد قاسي والفراق يضيّق الصدر الرحوب
وأنا تعبت أدور الحيله وارد احتالها
قولوا لها ترجع ترى ماني على البعد مغصوب
وإلا ترى نذرٍ عليّ أنه مهوب أشوالها
أما تجنّب هالهبال وتترك البعد وتتوب
والا بتبشر بالهبال اللي ما هوب هبالها
كافي زعل ترى الظروف مقفّلة من كل صوب
وأنا حملت من الهموم أنواعها وأشكالها
يكفيني أني كل ما هبت على صدري هبوب
تحنّ عيني للجنوب وتلتفت بلحالها
والمشكلة أني كل ما حنّت عيوني للجنوب
تطري لي الريم اللعوب وسالفة ترحالها
وعز الله إني كل ما تطري لي الريم اللعوب
حرمت أمد ايدي على حاجة ما أقوى لها

أشعار حامد زيد مكتوبه

اجمل قصائد حامد زيد : إليكم في هذه الفقرة أجمل أبيات أشعار حامد زيد مكتوبه وهي كالتالي:

مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره

اشعار حامد زيد عتاب قويه

اجمل قصائد حامد زيد : إليكم في هذه الفقرة أجمل أبيات اشعار حامد زيد عتاب قويه وهي كالتالي:

لو تعرف الخطايا كيف كنت محروم
كان سود الليالي يوم طحت سمحت
لو هموم المفارق مثل كل الهموم
ماتشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت
بين صدة عزيز وكبرياء مهزوم
عين شحت على وعين استسمحت
بس مالله خلقني من بكاي معصوم
وادري انه المحاجر لو تفيض افضحت
والله اني على جرحي صبور وكتوم
لكن ان الدموع ان روحت روحت
اعذلتني ظروفي وانهكتني عزوم
والوجيه احزنت لي والقلوب افرحت
اشهد ان الليالي ماتعرف السلوم
قلب جافي لقاه ووجه صافي بحت
راهنتني تبلل بالدموع الكموم
ويشهد الله عليها راهنت واربحت
احرمت نور عيني من غلا ريم قوم
بذرة وارتوتني واثمرت واطرحت
جادل دوم ماهي مثلها كل يوم
استضاحت غموض وبالغموض اوضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلب جيت فيه معزوم
واسمها بين جلدي والعظام انحت
مثل جفني لعيني بالنعاس محكوم
كل مانمت نامت كل ماصحى صحت
ماتعارض كلامي غير عند اللزوم
بس لا قمت اسولف واندمجت سرحت
دايم ازعل عليها بس قلبي رحوم
وهي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت
خصها الله بوصف من خيال معدوم
لا اذان اسمعتبه ولاعيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذرى تباها بالجمال انزحت
بالحلا هي كوم وباقي الناس كوم
كفت عادلوها بالبشر وارجحت
حسبي الله على اللي مابغاها تدوم
من بعد كيف كانت شوف كيف اصبحت
لاتحقق وصال ولا فراق محتوم
خطة قربتني للفشل وانجحت
لعنة العشق تبقى مثل ضرب السهوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدموع فلحت
كانها بالحميا كل ربعي قروم
لو يلدون لاصعاب الظروف صلحت
اجزم ان كنت ياقلبي شجاع وجزوم
لد لعيون بنت لا التفت الفحت
ماتهين البخيل الا يدين الخدوم
دام كف الخطايا بالجفا لوحت
نطح الباس باس ونطح اللوم لوم
وان تهدت تهد وصيح ان صيحت
ياتعيش بمعزه ياتموت محشوم
ودك ان الليالي لافعلت امدحت
عمر ضعف الاراده مايسر الرخوم
ضربت السيف لوبيدين الشجاع ذبحت

قد يهمك:

شعر حامد زيد مدح

إليكم في هذه الفقرة أجمل أبيات شعر حامد زيد مدح وهي كالتالي:

في رحاب المصطفى وبشعـري احكـي لنبوه
أن كتب من حبر زمزم في قلـوب أهـل المـروه
مـــن محـبــة كـــل مـؤمــن زاده لأســـلام قــــوه
لاشرف اهل الارض خير الانبيـاء والمرسليـن
الرسـول اللـي زرع لامجـادنـا ذكــر وحـضـاره
ان حللنـا بالصـدور ولا رحلـنـا بالـصـداره
بعـد مـا كنـا نعـبـد الشـمـس وانعـبـد الحـجـاره
كـيـف صـرنـا خـيـر أمــة اخـرجــت للعالـمـيـن

شعر حامد زيد غرام احباب

إليكم في هذه الفقرة أجمل أبيات شعر حامد زيد غرام احباب وهي كالتالي:

عـلى ذاك الـطـريـق الـلي يـســـمـونه غــرام احـبـــــاب
وطـت رجــلـي عــلــى دربــه ولا أدري وش نوى فينـي
تــبـعــتـه لآخــر دروبه لــيـــن إن الـقــمـر قـــد غـــاب
تـعــب قــــلبي ولا تـعـــبت مــســـافــــــــات تـــوديـنـــي
لــقــيـت الـلـيــله الـجرده هــدب وظـل وسما واعـشـاب
بــعــد ذاك الــغــرام الـلــي تــوهــنـــي عــــنـــاويــنــي
صــدفـتـك مــعجــبه فـيـنـي ويـالـيت الــغـرام إعــجــاب
وتــراكـي إنـتـي الـهـنـوف الـلي هــقـيتـك تـستـحـقينـي
عـطـيتـك عـشـق مــن قـلـبي وســلـمت لـلـغلاك رقـاب
وغـــيرك يـحـــترق قــلـبـــه ولا يـقـــدر يـحـــاكــيــنــي
أنا قـبلـك صـدفـت عـيــون لــكــن ويش جـــــاب لجـاب
تــرى كـــــل الـعــــيون الــلي لـقـــتنــي مـا تـكــفـيـنـي
رمــاني حـظـــي الـعـــاثـــر عـلــيـك وجيـتـــلـك طــلاب
ولا إنـتـي الـلي عـشـقـتـيـني ولا إنـتـي الـلي عتقتينـي
تـعالـي وارحــمـي ذاك الـخـفــوق الـمولــع الـمرتــاب
مـوهــو بـلـجـلـي عـشــان الله يـجــازيـك ويـجـازيـنـي
تـعـدي في سما عشـقي ولـو عـشـقي خــراب أصحاب
وصـونـي بالـهـوى نـفـســك قـبل لا إنـتـي تـصـونـينـي
وشـيـليـني عـلى مـتـنك خـفــوق ٍ بـــاري ومـنـــصـاب
ومــن فــوق الــغـــرام الـعـــذب شـيـلـيـني وحـطـينـي
ولا مـــنـك هقـيــتـيـني شـجــاع ومـا يـطـيــق يــهــاب
أنـا لك بـالهــوى والله مـــثــــل مـا إنــتـي هـقـيـتـينـي
أنا مـامــشي ورى غـيــرك ولـو إنــه يــطــق الـبــاب
وتــرى عـيــبٍ عــلي أطـعــن ولـو كـثــرت سكاكينـي
زهــــودٍ مــا يـطـيــق الـــــدم لا دايــــنٍ ولا طــــــلاب
شــجـــاع وعـــارفٍ نـفـسـي وأظـــن إنـــك تعرفينـي
غــيور مـا عـرفت أضحك مع الغـدر ببرود أعصـاب
أبـيع عــيـوني الثـنـتين قــبــــل إنـــــــك تـخــونـيـنـي
وإذا شــــد الغــــرام أحـــط قـلـبي بـيـن نــاب ونــاب
الـفــرقـــا تـكسـر ضـلــوعي ولا عـشــقٍ يـوطـيـنـي
أنا رجـــلٍ ولـي غـيـــره وإذا شــفـت الـهوى كــذاب
تــثــور بـقـلبـي الـفــزعا ولا تـهـــدى شـيـاطـيـنـــي
سـؤالـك لـو يـزعــزع بـي كيــاني مـا قــبلت عتـاب
وجـيـتــلك وأسـألـك نـفـس الســؤال اللي سألتينـي
عـن الـعـشق الـقـديم ..أبـواب وتقفيها كثير أبـواب
بعــد ذاك الحـبـيـب الـلي خـدعــني وانـخدع فـيــني
أبـي عـشـقٍ تـحـسب له كل نظرات العيون حسـاب
وأبي قــلبٍ عــلى قــلـبي وأبـي ديــنٍ عــلـى ديـني
وأبـي كـلـمة عهد تـوفي ولا تـخـلف بــدون أسباب
وأبي مـنــك قــــبــل لا إنـتـي تــصــديـنــي تـودينـي
وأبي دربٍ على العذال صــعــب ومتــعـب وغـلاب
وأبي نـفــس الـطـريق الـصـعب يبعـــدهم ويدنيلـي
تــرى لو الـقـلوب عيــون ودمـوع العيون أهداب
حــشـا ما تـنزل الـدمعــة لـغـيـرك لــو تـتـركـيـنـي
أنا أول من عـرف قـدرك وأنـا توي صغير وشاب
وأبـي منــك ما دام إنـــك تــعــرفــيـنـي تـحـبـيـنـي
ما دام إني لقـيـتــك في طريق اسمه غرام احباب
دخــــيـل الله وبـعــــد الله دخـــيـــلك لا تـخـلـيـنـــي
مادام من كــل من يحيــــى على وجه الترآب ترآب
عسآ تنسآآني الدنيآ مآآآآدام انـــتـــي ذكــــرتيني

شعر حامد زيد عن الفراق

إليكم في هذه الفقرة أجمل أبيات شعر حامد زيد عن الفراق وهي كالتالي:

وينقص بعضنا خوه وينقصنا وفاء وعود
مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود
ولا تشره على رجل عيونه خانت أقدامه
وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه
ولا تخطي ترى لصبر الحليم اليا سلاك حدود
تروى واعرف بضرب الحديد تفكك لحامه
تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه
ولا تزعل على رجل بذل لك ولرضاك جهود
ولا تامن من الحاسد رضاه ورفعة ابهامه
نبي نصبر على الدنيا قلوب بالحياة زهود
مدام إن البخت عيت توفق رمعة سهامه
وأنا ما قلتها راجي ولا أطلب بعدها مردود
ولكن الفتى وده يحقق جملة أحلامه
وبمشي لآخر الدنيا ولو كل الأنام اقعود
وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود
وأنا عندي مع الدنيا مواقف ترفع الهامه
طموحي يملي العالم ولابه للطموح قيود
مدام إن الأمل طبعي عرين وصرت ضرغامه
خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه
ولو طال العمر فاني وترى عمر الفتى محدود
وكل يطلب المولى يبيحه يحسن ختامه
وأنا بلغت بلساني وربي والأنام شهود
وصحف البينة جفت وعنها رفعت أقلامه.

شعر حامد زيد تبيني صدق ولا ماتبيني

من أجمل أبيات حامد زيد تبيني صدق ولا ماتبيني في التالي:

تبيني صدق والا ما تبيني
قبل لا أبهذلج وتبهذليني
وقبل لا أفقد شموخي واحترامي
وقبل لا أشمت العذال فيني
أنا داخل عليج من الفضايح
تبيني صدق والا ما تبيني
تبيني صدق والا ما تبيني
أنا ماني بلعبه في يدينج
متى ما تعشقيني تعشقيني
أبيج ان كان جيتيني حبيبه
تجيني بصدق ولا لا تجيني
أنا ما أجرح مشاعر من عشقني
ولا أرضى لي عشقتج تجرحيني
ما دام أني عطيت بكل قلبي
مثل ما عطيج من قلبي عطيني
وإذا بعت العذارى واشتريتج
تبيعين الرجال وتشتريني
عشان أكون صادق لي عشقتج
وعشان أريحج واتريحيني
دخيل الله وقولي وبصراحه
تبيني صدق والا ما تبيني
تبيني صدق والا ما تبيني
أنا ما جيت ألعب وتسلا
أنا جيت أحتويج وتحتويني
تبيني مثل كل الناس والا
تبيني أقدرج واتقدريني
مثل ما استحملج لامن زعلتي
إلى مني زعلت استحمليني
عرفتيني وأنا رجال وافي
وأنا وافي قبل لا تعرفيني
أحب الصدق لو هو من عدوي
وأعاف الكذب لو من والديني
مثل ما أقبل بليني وبشموخي
لو أكره رحت بشموخي وليني
إذا عن عاذلي ديني ودينه
وإذا عن غريته دينه وديني
أنا لي ثارت الغيره بقلبي
تقول الجن الأزرق معتريني
أبي وأنتي معي منتي لغيري
وإذا كنتي لغيري جنبيني
أغيب وتذكريني بالحشيمه
ولا أمرح في ذراج وتلعنيني
طويلين الشوارب ما احقروني
تبيني أنتي تجين وتحقريني
إذا نفسي رضت لي بالمذله
أبذبحني قبل لا تذبحيني
مادام أني وفي كوني وفيه
لاني ما أخدعج لا تخدعيني
أنا لي أخذت قدري واحترامي
خذيني مثل ما تب تاخذيني
تبين بخوتي سيف(ن) مجرب
وإذا بمروتي ليث بعريني
فأن ألفيتني شهما شجاعا
فليس البر أن تستضعفيني
فأني ذقت بالآلام ذرعا
وما في الغدر قمح يتقيني
أكف الدم الحزنا بعد حزن
عشقت القمعا حينا بعد حيني
لعمري كم حيوت الناس قلبا
وما في الناس قلب يحتويني
أنا الحزن الذي لا حزن بعدي
ولا يغني حنين عن حنيني
فلا من كان قبلي كان قبلي
ولا من قد يليني قد يليني
أنا المملوء حزنا وانكسارا
وما فرطت في عرضي وديني
أنا المختال من فخري بفقري
وتبت كل عين تزدريني
أنا من ذاق ملئ الأرض هونا
وما أخضعت للدنيا جبيني
فإن جاءت بي الأقدار يوما
أجوب الأرض خوفا من أنيني
فروفي واحفظي لي ماء وجهي
ولاتخشيني واخشي الله فيني
فلو أني رجوت الله شيئا
فأرجوا الله أن لا تظلميني
علشان ان عشقت اعشقج كلي
أبيج كلج تجين وتعشقيني
فلا تقفي عيونج عن عيوني
ولا تدفي يديج ألا يديني
أكون أقرب لقلبج من عروقج
وأحسج بين شرياني وبيني
اسامح لج خطاج اليا خطيتي
وأنا لا من خطيت تسامحيني
ولج مني عهد ما أصد عنج
وأبي منج عهد ما تخذليني
عشان أبقى معاج العمر كله
وأشيل محبتج برموش عيني
أنا بحلف يمين أني لصونج
فلا أخونج ولا أرد بيميني
وعساني للهلاكـ أن خنت
وأنتي عسى الله يلعنج لو تتركيني

قصائد حامد زيد غزل مكتوبه

من أجمل قصائد حامد زيد غزل مكتوبه في التالي:

حد علمي بالغلا يوم كنت اسوى كثير *** يوم كانت ضحكتي طبع وعنادي سمة
وحد علمي بالعنا يوم خفاقي ضرير *** قبل اهدم العشق وابنية وارجع و اهدمة
وحد علمي البكا يوم لي قلب وضمير *** قبل اشوف المسلم يموت بيد المسلمة
اية عدت من يدي بس ما عدت بخير *** ليلة عيت تجيني وجتني مظلمة
من عرفت احساسها كن في قلبي نذير *** والنهار المكتئب باين من مقدمة
وأصبحت مثل شعرة واقصمت ظهر البعير *** وابتدا في موتة الجرح من حيث اختمة
صار لي بالعشق ما لا هقيت انة يصير *** انظلمت بعشرة انسان ما كنت اظلمة
العشير اللي تبرى من ضلوع العشير ** الحلا عزز خطاياة والحظ اخدمة
لا تبتسم يكسر النور بعيون البصير *** وكن شمس المغربية تبات بمبسمة
معتدل في قامتة لا طويل ولا قصير *** ممتلي بالزين من معصمة لي معصمة
فية بألوان الهدب لون غير ولون غير *** مثل ما للرمش بالعين قصة مبهمة
كنها نكس البيا رق على شط وغدير *** ومثل لملمة الشتات بشتات اللملمة